زائر زائر
![الله يكون في عون المعرس !! Empty](https://2img.net/i/empty.gif) | موضوع: الله يكون في عون المعرس !! الأحد مارس 23, 2008 11:32 am | |
| الله يكون في عون المعرس!!!
تخيلووووووو في وسط الحضور يدخل واحد ويقول قصيدة في العروسة للمعرس شنو بيكون ردة فعلــــــــه؟؟
أبد ما جيت أبــــارك لك ولكن جيت باوصيك
على الله ناوي(ن) تدخــل بها اللـــيله ... معذبتي
ترى لولا الظروف اللي عطّـتك وحدّت محاكيك
قســـم بالله مـــا تدخل عليــــها لو على رقبتي
ولكن النصيب أقوى ولاادري ويش اسوي فيك
نعــم...صــارت معزبتك,, ولا صــارت معزبتي
كذا شـاءت بنا الأقـــــدار تحرمني لجل تعطيك
كذا لازم عشــــان تفوز انت,,أنا اخـسر بتجربتي
تراها غاليــــة جدا..وتكفى.. والله يخلـــــيــــك
تدللــــــــها..تدلعــــــــها ..تنسّــــيها مصاحبتي
أنا من كثر مااغليها أحس اني بديت أغلـيك
ولاتسـأل بأيـة حـق والا وش مناســــــبتي
لأنك لو بتسألـني بتسمـع شي مـــــــا يرضيك
لذا يا خــــــوي لا تسأل ولا تسمـع لأجوبتي
أبيك تحطها في داخل عـيونك وبين ايـديـك
وهي دلوعة إعتــــــــادت على كثرة مداعبتي
فداعبـها شوي شوي حـتى تشتهي طاريك
وشاغبها إلـــــــــيـن تقول: بـطّــل من مشاغبتي
واذا هي مالها خلقك,,ولا تضحك ولا تسليك
تحمّلــها وإسألـها :ياعمـــــري ليـــه عصّبـتي
وبالك أسمع انك يوم تضربهــا وهي تشكيك
ما يحتــاج أوري لك بفن الضـــرب موهبتي
صحيح انك بتملكـــها ومعك العقــد بالتمليـــك
وانا عــــارف حدود الله ومن حــقـــك معاقبتي
ولكن قل لها : المجنون وصّـــاني وهو يعنيك
يقــــــول انه بيــنــتظـرك لوشـيّـب وشـيّــــبتي
وانا مجنونها اللي مـا نساهــــــا وانششت مايمديك
تغــطي ذكريـــــاتي.. في هواهــــا و ربع تجربتي
أحس اني تماديت بكلامي,, والغضب حـــاديــك
ولو انك في مــكاني ما تفكر في محــــــاسبتي
كفاك اني تركت الليــــله أشغالي عشان أجيك
دخلت القاعة برجلي ولا أدري ويش عاقبتي
وانا ما جيت أخرّب عرسك الليله ولا أذّيـــك
أنا جيتك عشــان أخاطـبك واسمع مخـــاطبتي
توصّــــى ... وانتبه... واحرص عليها والله يهنيك
ترى كل الكلام اللي طلع من ضيقي وكبـــتـــي
ولكن ما قدرت اني أقوله وانت مايخفـــــيك
أخـــــاف اني اذا قلته تقوم وتقطـــع رقبــتي |
|
زائر زائر
![الله يكون في عون المعرس !! Empty](https://2img.net/i/empty.gif) | موضوع: رد: الله يكون في عون المعرس !! الإثنين مارس 24, 2008 2:46 am | |
| ههههههههههه
ها مينون الظاهر يبي يموت ...
رد فعل المعرس: يا يذبحهم هم الاثنين ويا يطلقها .. |
|
زائر زائر
![الله يكون في عون المعرس !! Empty](https://2img.net/i/empty.gif) | موضوع: رد: الله يكون في عون المعرس !! السبت مارس 29, 2008 1:04 pm | |
| هههههههههه شكلهـ ين مثل ماقلتي مثل ماقلتي ياCrazy girl طالع علييج ههههههههه
يسلموووووووووه غنايهـ يعطج الف عافيهـ... |
|
زائر زائر
![الله يكون في عون المعرس !! Empty](https://2img.net/i/empty.gif) | موضوع: رد: الله يكون في عون المعرس !! الثلاثاء أبريل 01, 2008 4:40 am | |
| يااااااااااااااااااااااااااااااااااااااااااااااااااي .. يااا ويليييييي انا ع القصيــده ..
أبيك تحطها في داخل عـيونك وبين ايـديـك
وهي دلوعة إعتــــــــادت على كثرة مداعبتي
فداعبـها شوي شوي حـتى تشتهي طاريك
وشاغبها إلـــــــــيـن تقول: بـطّــل من مشاغبتي
روووووعه روووووعه االقصيـــده .. يجنـــــــــــــــــن ..
ثانكــس الغاووووي .. عيبني مرررررررره ..
|
|
زائر زائر
![الله يكون في عون المعرس !! Empty](https://2img.net/i/empty.gif) | موضوع: رد: الله يكون في عون المعرس !! الأربعاء أبريل 02, 2008 12:43 pm | |
| يسلمووووووووووه .. كل هذا علشاان قصيده .. زين والله خلااص كل مره بييبلكـ قصايد ترتووبيشن
هههههههه
يعطيج الف عافيهـ .. دمتي ع التواصل الدائم... |
|
زائر زائر
![الله يكون في عون المعرس !! Empty](https://2img.net/i/empty.gif) | موضوع: رد: الله يكون في عون المعرس !! الخميس أبريل 17, 2008 7:27 am | |
| أبيك تحطها في داخل عـيونك وبين ايـديـك
وهي دلوعة إعتــــــــادت على كثرة مداعبتي
فداعبـها شوي شوي حـتى تشتهي طاريك
وشاغبها إلـــــــــيـن تقول: بـطّــل من مشاغبتي
تسلم يالغاوي على القصيدة اللي أحلى من الحلى نفسة |
|