قصة مرعبة لدرجة الجنون

زائر

بدت القصه لما كان أحمد يدق على صديقه سعود

ودار بينهم هذا الحوار

أحمد: هلااااا اخوي سعود شحالك 00

سعود: الحمد لله وشخبارك انت 00

أحمد: بخير الله يسلمك ويرضا عليك الا ما ودك تطلع معاي لبوظبي بودي اختي نورة لخالتي ونروح بعدين العين شو رايك

سعود: والله فكره بس احراج يعني اروح ويانا اختك و.. 00

أحمد: لااااااا ابد ما فيها شي بعدين نورة شرات اختك

سعود: طيب اتوكلنا على الله

وطبعا نورة هذي كانت تموت بسعود فركبت وراه بالسياره وكتبت بورقه
(سعوووود انا احبك كلمني على رقم 00000)
واول ماركبت قامت وحطتها بيد سعود بدون ما يحس اخوها

المهم ان سعود قام يقول في نفسه : والله احراج اخوها جنبي وهو اعز اصدقائي وتباني اكلمها صدق قليلة ادب

طبعا البنت ما عجبها ان الولد ما رد قامت تنغزه وتسوي له حركااااااااااااااات !!!

هو يروح يمين وهي ورااااه تنغزه ومسكين يروح يسار و يبعد عنها وفي نفس الوقت طبعا ما يبا يحسس اخوها ان في شي جالس يصير عشان ما تصير مشكلة وكارثة.....

وشوي والا سعود صرخ في وجه أحمد وقاله وقف .....

رد عليه أحمد وقاله سلامات خير ان شاء الله ....

سعود انحرج مايدري شو يقول ......وقال لأحمد بس شفتك تنعس قلت وقف وانا اسوق مكانك لا تودينا في داهيه قام وبدل مع أحمد سواقه علشان يبعد عنها. الا ان نورة (ان كيدهن عظيم ) قالت لأخوها وقف السيارة شوي بروح للدوره ...
وفعلا وقف ونزلت وبعدين رجعت ركبت لكن من جهة سعود ورجعت لحركاتها والولد صبر لين وصلوا الشامخه

ولما وصلو لقوا خالتها رايحه برع البيت .. .. راحوا فندق وما لقوا الا جناح واحد فاضي . .... فحطوا نوره في غرفه مستقله وافصلوها بستار ....وسعود وأحمد في الغرفه الثانيه ....

دخل سعود يبا ياخذ دش الا يجيه أحمد ويقوله انا بروح اكمل اجرائتات الفندق واطلب العشا ....ارتبك سعود وقاله لا تتاخر ...... طول أحمد تحت وسعود منتظر داخل الدوره ما يبي يطلع خايف من نوره لا تسوي شي معه ...... وراحت نص ساعه وساعه وأحمد ما رجع فقرر انه يطلع من الدوره ويروح يصك الغرفه على نفسه ......

اول ما فتح الباب والا الموبايل حقه يرن رنة رساله والثانيه وراها فاخذ الموبايل وقرا الرساله لقى فيه ( حبيبي سعود معاك نوره ممكن تجي الغرفه عندي أحمد اتصل وقال بيتاخر شوي ).....

اول ما قرى الرساله ويروح جري على غرفته ويفتح النور ويلقى وحده جالسه على السرير ومغطيه وجهه ..... سعود ما درى شو يسوي وقعد يسب ويلعن ويقولها يا بنت خافي ربج انتي ما تستحين !!! اخوج معانا وانا وياه اصدقاء يعني تبين تسوين فضيحة ؟؟!! قامت وحضنته وبهذي اللحظه يدخل أحمد اخوها ........

في هذه اللحظه وش تتوقعون ردة فعل سعود .......

وكيف موقفه قدام أحمد .......

وشو بيشرحله ........

وهل ممكن يصدقه .......

والمسيكين انخبص عقله واغمى عليه ......

ويقعد أحمد وأخته يضحكوووون ضحك سنة بساعة ويحاولون يصحون سعود ويحاولون يقومون فيه .. ويقولون له قووم قووووووووم مافي نوره ولا شي ... طبعا اخت أحمد مو بنت!! هاذي واحد من الشباب هاهاهاااااااا بس لابس عبايه ومسوي نفسه بنت عشان يسوي مقلب ومسكين سعود اكلها أكـــــــــــــــــــل

ان شاءالله تعجبكم
مع تحيـاتي
الغـــ،،،ـــاوي

زائر

هههههههههههههههه

ههههههههههههههه

هههههههههههههه

تسلم اخوي ع الموضوع

الله يعطيك العافية

زائر

دام الضحكهـ غنايهـ
يعطيج الف عافيهـ
تسلمين واللهـ مالج قصووور ..
دمتــي بــود...

زائر

تسلم الغاوي ع الموضوع